Mamit dist-a sorkar hmalakna thlirho

Lok Sabha MP Richard Vanlalhma-ngaiha kaihhruaiin nimin khan Mamit District Development Coordination and Monitoring Committee (DISHA) an ṭhukhawm a; sorkar department hrang hrangte'n sorkar laipui scheme an kalpui dan an thlirho.

DISHA hi sorkar laipuiin district tina a din a ni a, a tum ber chu sorkar laipuiin scheme hrang hrang a duante kalpui dan endik leh hmasawn zelna tura thawhohna ṭha a awm theih nana hmalak dan ngaihtuah a ni.

Richard Vanlalhmangaiha chuan, DISHA ṭhutkhawm chu department hrang hrang hnathawhte inhriattawnna leh hnathawhho dan sawihona ṭha tak a nih thu a sawi a, "Sorkar laipuiin a hmathlir chu India ram changkang Vikshit Bharat 2047 (developed country) a ni a, hemi atan hian Mamit district chuan chanvo pawimawh tak a nei," a ti a; hmasawnna atan rilru leh ngaihtuahna seng ṭheuh turin kal khawmte a chah.