World Soil Day hman a ni

Nimin kha World Soil Day a ni a, Agriculture (Crop Husbandry) department buatsaihin Agriculture conference hall -ah hman niin, Agriculture secretary Lalhmingthanga'n a hmanpui. Farmers workshop neih nghal a ni bawk.

World Soil Day hi kum 2014 aṭangin kum tin December 5-ah hman ṭhin a ni a, thupui hrang hrang awmin, kumina World Soil Day thupui chu 'Stop soil erosion, save our future' tih a ni.

Sorkar thuchhuah tarlan danin, Food & Agriculture Organisation(FAO) chhût dan chuan, second 5 tinin football field pakhat tiat vel lei chungláng hànna a luang ral reng ang a ni a, chuvang chuan thlai thar chhuah a tlakhniam phah nasa hle a ni.

Lalhmingthanga chuan, lei chungláng hànna luang ral zel chu khawvel pumpuia loneitute tan, a bikin tlángram loneitute tan a pawi em em tih a sawi a; lei ṭha luang ral titawp tura theihtawp chhuah a ṭul thu sawiin, kal khawmte chu 

ṭhahnemngai taka hma la turin a chah.

Aizawla World Soil Day hmanna hi Agriculture director Rohmingthanga Colney-in a kaihruai a, Aizawl páwn aṭangin Soil Health Card Scheme hnuaia district tina model village aiawhin loneitu pahnih ṭheuh an tel a ni. Loneitute chu Soil Testing Laboratory enpui an ni bawk.