NHM Mission Director motor Man turin police hriattir a ni

Motor Accidental Claim Tribunal (MACT) chuan, kum 2008 khan National Rural Health Mission (NHRM) motor-in Rangvamualah mi a sut hlum avangin NRHM chu mitthi chhungte hnenah zangnadawmna pe turin a hriattir a; zangnadawmna hi NRHM-in an pek loh avangin MACT chuan NRHM (tunah NHM) Mission Director motor man turin police-te a hriattir.

Thu dawn danin, NRHM motor-in Novem-ber 21, 2008 zan dar 10 velah Rangvamualah K Lalramengzama (23) a su hlum a, chumi chung-chang chu MACT-in a ngaihtuah a ni. MACT chuan NRHM chu thiam loh a chantir a, mitthi chhungte hnenah zangnadawmna Rs. 5,55,392 pe turin a hriattir a ni.

Zangnadawmna chu NRHM (NHM)-in tun thlenga an la pek loh avangin MACT chuan November 21, 2016 khan thupek chhuah nawn lehin, NHM Mission Director motor (Bolero) MZ-01 J-4339 chu man turin Aizawl Police Station-a officer in-charge a hriattir a ni. Aizawl PS OC chu December 5, 2016-ah an hmalak zui dan report thehlut tura tih a ni bawk.

K Lalramengzauva motor-in mi a sut hlum hun laia National Rural Health Mission tih chu tunah chuan National Health Mission tih a ni tawh.