Ni 3 chhung session nei dawn

Mizoram Assembly winter session chu December 6, 2016-ah ṭan a ni dawn a, ni thum chhung a awm ang. Session neih tur chungchang hi Speaker Hiphei hoin Business Advisory Committee chuan Thawhṭanni khan an ngaihtuah a, programme an duang a ni.

Assembly BAC-in ruahmanna a siam dan chuan, session ṭan ni, December 6-ah session hmasa leh session neih tur inkara Mizoram Assembly member hlui thi pahnih - LP Thangzika, Lunglei leh J Lalthangliana, Aizawl-te sùnna hun hman a ni dawn a; December 7 leh 8-ah zawhna leh chhanna hun hman bakah, sorkar thil pawimawh ngaihtuah a ni ang.

Assembly thlasik ṭhut-khawma ngaihtuah atan sorkar bill pahnih - The Mizoram Drugs (Control Substances) Bill 2016 leh The Mizoram Fisheries (Amendment) Bill 2016 a lut tawh a, zawhna eng emaw zat a lut tawh bawk nia thu dawn a ni.