KHAWTHLIR

Thisen pe

Mizoram police-a Mizoram Police Radio Organisation-te chuan, nimin khan Aizawl Civil Hospital tan blood donation camp an huaihawt a, mipa 14-in thisen an pe.

Bank account hawn rûnpui

State Bank of India chuan Aizawl DC leh Labour, Employment & Industrial Training department nena inthurualin organise sector leh un-organised sector-a thawkte leh mipui náwlpuite tan bank account hawn rûnpui 'Grand Bank Account Opening Mela' an buatsaih dawn a; vawiin hian Vanapa Hall-ah an buatsaih ṭan ang.

PHC hawng

Chawlhhmun Urban Primary Health Centre (PHC) chu nimin khan Health minister Lal Thanzara'n a hawng. Urban PHC hi cheng nuai 79 sênga sak a ni a; khum 10, OPD pahnih, pharmacy room, dispensary, male ward, female ward, labour room, laboratory, office leh nursing station-te a awm.

Police training

Nimin khan Mamit district chhunga police officer-te tan SP conference hall-ah 'Training course on Community Policing Crowd Control and Gender Sensitization' tih thupui hmangin training buatsaih a ni a, Mamit SP Abhishek Dhania-a'n a hawng.

Training thlah

Mission Foundation Movement hnuaia Life Skill Institute-a NERLP bultuma mistiri training mi 30-te pualin nimin khan convocation hman a ni a, ZIDCO chairman PC Zoram Sangliana, MLA-in a a hmanpui. MFM hnuaiah hian mi 420-in mistiri training an zo tawh a ni.