Road Safety Week hawn a ni

Zoram Drivers' Union buatsaihin nimin khan Mizoram hmun hrang hrangah Road Safety Week hawn a ni a; Aizawlah chuan
Chaltlang Lily Venga ZDU pisaah Transport minister John Rotluang-liana'n a hawng.

John Rotluangliana chuan, "Sorkarin road safety a ngai pawimawh hle a, mipuite himna turin nasa takin hma a la a ni. Hemi atan hian Aizawlah Road Safety Council din a ni a, district-ah pawh Road Safety Committee din a nih tawh," a ti.

Mizote chu lirthei khalh hma tak an nia sawiin Transport Minister chuan, "Traffic dan duh angin kan zir chiang lo hi a pawi a ni," a ti a; lirtheia chetsualna pumpelh turin traffic rules zir leh hriat chian a pawimawh thu a sawi.

John Rotluangliana chuan, Mizoramah horn hmeh rîk tuar tuar a awm loh avangin hnam dangin an fak ṭhin thu a sawi a; chutih rualin, lirthei khalh-tute chu hawihhâwm zawk leh mi dang-te tana harsatna siam lo zawnga lirthei khalh tum lehzual turin a chah.

ZDU hian October 1980 aṭangin kum tin Road Safety Week an hmang ṭhin a ni.