Signal chhiat chhan chhui chiang

Mamit khawpui chhunga inbiakpawhna hmanrua atana hman ber, Airtel leh Jio company-te signal pek ṭhat theih loh chhan nimin khan Mamit Venghlun JAC leh Mamit police ten an chhui chiang. 

Police leh JAC-te hian company pahnihin an kháwl enkawl tura an dahte leh an tower-te an tlawh a, thawktute chu an harsatna neihte an sawipui. Airtel-a thawktute chuan, Mamit Venghluna an tower châwm zo tur transformer leh generator an nei lo chu an harsatna a nih thu sawiin, "Transformer bunna tur Power & Electricity department-ah pek a ni tawh," an ti a, generator a hlui tawh avangin rim taka hman chi a nih loh thu an sawi. 

Jio company-a thawktute chuan, an khawl tihnunna turin an duh angin kawlphetha an la lo tih sawiin, "Temporary-a kan lak hi thla thum atan bill pek lâwk a ngai ṭhin a ni," an ti. Mamit Venghlun JAC-te chuan, Airtel leh JIO-te chu signal ṭha nei turin December 15, 2019 thleng hun an lo pe tawh a ni.