School of Nursing, Thingdawl Capping & Lamp Lighting

Health & Family Welfare minister Lalrinpuii chuan nimin khan School of Nursing, Thingdawl 7th Capping & Lamp Lighting Ceremony leh Graduation Programme a hmanpui a; nursing profession tihchangtlun nan sorkarin kawng hrang hrangin hma a la mek tih a sawi.

Lalrinpuii chuan, nurse hna chu hna zahawm leh ropui tak, midangte tana rawngbawlna hna pawimawh tak a nih thu sawiin, "Tunlai hunah hriselna kawngah hmasawnna tam tak a awm a, chu'ngah chuan nurse-te chu engkima engkim, hmun pawimawh tak changtu an ni. Nursing profession tihchangtlun (upgrade) nan sorkarin kawng hrang hrangin hma a la mek a, hna tam tak computerised a nih theih nan ngaihtuahna sen mek a ni," a ti.

Zirlai graduate-te hi batch 6-na zirlai 17 niin, zirlai thar 20 pualin Capping & Lamp Lighting Ceremony neih a ni bawk.