Banna ka thehlut lo - Dr Lorrain

Adviser to chief minister Dr Lorrain Lalpekliana Chinzah, Lawngtlai East bialtu MLA chuan adviser to CM aṭanga banna a thehluh loh thu a tarlang.

Dr Lorrain Lalpekliana hian mipuite hriattur ti chhuakin, "Tun hnai hian social media hrang hrangah adviser to CM nihna aṭangin bânna ka thehlut angin mi ṭhenkhatten an lo sawi niin a lang," a ti.

Social media-a thudarh chu thudik a ni lo tih tarlangin Dr Lorrain Lalpekliana chuan, "Thil hriat sual palh vang mai a ni," a ti a, an hotute zara nihna leh a ken tel mawhphurhna a chante ram leh hnam tan theihtawp chhuaha hlen zel a tum thu a tarlang.