MLA-in kawng siamṭhat dan tur enfiah

Aizawl South-I bialtu MLA C Lalsawivunga chuan nimin khan a bial chhunga Republic Veng Kawipui pengṭhuam siamṭhat dan tur a enfiah a; sorkar hotute leh khawtlang hruaitute nen hmalak dan tur an sawiho.

C Lalsawivunga chuan, Republic Veng Kawipui junction siamṭhatna tur sum chu UDPA department-ah a awm tawh thu a sawi a, "Kutthlak thei dinhmunah kan ding tawh. Hna ṭan hmain a kaihhnawih department-ten tih tur tam tak an neih avangin a hmun ngeiah sawiho a ngai a, vawiin aṭang chuan anmahni chanpual ṭheuh bawhzuiin, hma an la nghal char char dawn," a ti a; a bial chhunga kawngpui hrang hrangte cheiṭhat tum a nih thu a sawi.

Kawng pengṭhuam siamṭhatna tur hi UDPA hnuaiah state fund aṭangin ruahman a ni a; PWD engineer-te pawhin a hmun hi enfiah tawhin, December thla tirah hna thawh hman an tum a ni.

C Lalsawivunga hi hi PHE, P&E, PWD, AMC, UDPA, Traffic leh BSNL hotute bakah, khawtlang hruaitute, tlawmngai pawl hruaitute'n an ṭawiawm a ni.