Mamit dist-a bank-te CD ratio 76.11%

Mamit district bawrhsap K Laltlawmlova kaihhruaiin nimin khan DC conference hall-ah District Consultative Committee (DCC), District Level Review Committee (DLRC) an ṭhukhawm a; kumin July - September thla chhung khan Mamit district-a bank-ten CD ratio 76.11% an neih thu tarlan a ni.

Ṭhutkhawmah hian kumin July - September thla chhunga Mamit district-a bank hrang hrang hmalakna leh hmachhawpte sawiho a ni a; Mamit district-a bank-ten CD Ratio 76.11% an neih thu leh July - September, 2024 chhunga an CD Ratio 76.93% chu 0.82%-a an phak loh thu tarlan a ni. Kumin July - September thla chhung khan PMJDY hnuaiah mipa 16,963 leh hmeichhia 21,109 an inziaklut a, PMJJBY hnuaiah inziaklut thar 4,409 leh renew 17,015, PMSBY hnuaiah inziaklut thar 7,892 leh renew 33,842, APY hnuaiah inziaklut thar 269 an awm. Mamit district-a bank branch hrang hrang 13-in Financial Literacy Camps vawi 67 an nei a ni.

Mamit District Credit Plan (DCP) thlirho nghal niin, bank hrang hrangte'n MUDRA loan leh KCC loan an pek chhuah dan zirchian a nih bakah, bank hrang hrangte'n an target an phak lohna chhante leh harsatna awmte chinfel dan turte an sawiho bawk a ni.