Hnahthial dist-ah naupang chunga hleilenna 107 report a awm tawh

Hnahthial District Child Protection Unit bultumin nimin khan khawvel pum huapa hleihlenna laka naupangte venhimna ni, 'World Day for Prevention of Child Abuse' pualin lirthei hmanga kawng zawh (vehicle rally) neih a ni a; kum 2025 chhungin Hnah-thial district-ah kawng hrang hranga naupangte chunga hleilenna case 107 report a awm thu tarlan a ni.

Vehicle rally hi Hnahthial Bazar Veng kawn aṭanga ṭan niin, Electric veng bazar leh Hnahthial High School lamahte kawng zawh a nih hnuah Chanmari veng, Nauhruaikawnah kharna hun hman a ni.

Tarlan danin, Mizoram Child Welfare Committee (CWC) hnuaiah naupang chunga hleilenna avangin April 2024 - March 2025 chhung khan case thar 1,566 a lut a, heng zingah hian retheihna avanga case 415 awmin, fate enkawl tlak lo nu leh pate avangin case 361 a awm bakah, hursualna lam rawng kai (sexual abuse) avangin case 158 a awm tawh.

Hnahthial district-ah kumin chhungin kawng hrang hranga naupangte chunga hleilenna case 107 report a awm tawh a, hursualna rawng kaia naupangte tihbuaina a hluar tih tarlan a ni bawk.