Lirthei tlan dan tur tidanglam

Aizawl SP Zosangliana chuan thuchhuah siamin, Kawnpui - Durtlang - Aizawl inkar kawng chu M/S BRN Infrastructure Pvt. Ltd. ten siamṭhat hna (resurfacing) an thawh dawn a avangin helai kawnga lirthei tlan dan tur tihdanglam a nih thu a tarlang a; thupek bawhchhia chu u/s 179 Motor Vehicles Act, 1988 hmanga hrem theih an ni.

Zosangliana tarlan danin, lirthei tlan dan tur tihdanglam hian vawiin aṭanga December 20, 2025 thleng a huam dawn a; hemi hun chhung hian ni tin zing dar 9 leh chawhnu dar 1 bakah, chawhnu dar 2 - 4 inkarah helai kawng hi khar a nih dawn thu a tarlang.

Kawng hawn chhung (1 PM - 2 PM leh 4 PM - 9 AM) hian lirthei tê (LMV) chin chauh tlan phal a nih thu te, lirthei lian (HMV) chin chu Aizawl - Sairang (NH-108) lamah tlan tur a nih thu leh kawng siamna hmuna lirthei veivak enkawl chu M/S BRN Infrastructure Pvt. Ltd. te kutah a awm dawn thute a tarlang bawk.