Vantlang thil khawih danglam phal lo

Serchhip district magistrate Paul L Khuma chuan, tun hnaiah sorkar/vantlang bungrua (property)-te mimalin an duh dana an lo tihchhiat leh khawih danglam report a awm nual thu tarlangin, vantlang thil reng reng phalna la hmasa lo chuan mimal/pawl anga khawih danglam lo turin district mipui a ngen.

Paul L Khuma chuan, sorkar/vantlang property chunga phalna nei loa kutthlak lo turin district mipui a ngen a, "He thupek zawm lo chu Prevention of Damage to Public Property Act, 1984, section 3(i) leh (ii) in a tarlan angin hrem theih a ni. Pawi khawihtu chu thla ruk aia tlem lo hrehawm taka lung-in tan (rigorous imprisonment) tur leh a hun chhung kum 5 thleng pawhsei theih leh pawisa chawitir theih an ni," a ti

Vantlang/sorkar property tichhiate chu Bharatiya Nyaya Sanhita (BNS) 2023 Section 324 hnuaiah lung-in tantir leh pawisa chawitir theih a nih thu a tarlang bawk.