Court-in thiam loh chantir

Excise & Narcotics dept. chuan thuchhuah siamin, Special Judge (NDPS) Liansangzuala chuan tun hnai khan thutlukna siamin, ganja kg. 10 phurh vanga man Lalchhandama s/o Lal-thangliana chu thiam loh a chantir thu an tarlang.

Excise & Narcotics dept. tarlan danin, Lal-thangliana hi August 24, 2014 khan Excise & Narcotics department-in ganja kg. 10 a phurh vangin an man a; NDPS Judge chuan thiam loh chan-tirin, kum thum chhung jail-a táng tur leh Rs. 50,000 chawi turin a hrem a, pawisa chawi tur a neih loh chuan kum khat dang tàn belh turin a ti bawk.

Hetihlai hian, Excise & Narcotics department-a Anti-Narcotics Squad-te chuan Thawhlehni zan zanlai khan Rangvamualah ganja kg 21.700 leh a neitua puh, Lalramzauvi (46) d/o Lawmvela (L), Tuiring, Manipur nia inchhál an man.