Champhaiah Border Area Cultural Programme buatsaih

Art & Culture depart­ment leh North East Zone Cultural Centre ṭangkawp chuan, Thawhlehni khan Champhai Kahrawt khelmualah Border Area Cultural Programme an buatsaih a, nimin khan chhunzawm a ni.

Cultural programme hawnna inkhawm hi Art & Culture deputy director K Lalruala'n a kaihruai a; khuallian Champhai DC Vanlalngaihsaka chuan, "India ram hi hnam hrang hrang leh hnam tinin ziaráng leh chìn dan hrang hrang awm khawmna a ni a, hnam tinin ziaráng leh chìn dan hrang kan nei hi India ropuina pakhat a ni," a ti.

Hnam hrang hrangte tih dan hrang mah se, inlungrual a pawimawh tih sawiin Champhai DC chuan, "Hnam hrang hrangte inpawh leh inthian ṭhatna turin Border Area Cultural Programme hi buatsaih a ni," a ti a; state hrang hrang aṭanga palai kalkhawmte chu Cham-phaia an chàm chhunga hun nuam tak hmang turin a duhsakna a hlan.

Cultural programme-ah hian Assam, Manipur, Meghalaya, Punjab leh Mi­zo­ram aiawhte'n an hnam lâm chi hrang hrang an entir a; Mizoram aiawhin Kahrawt Cultural Culb leh Kanan Branch YMA-te'n hnam lâm an entir a ni.