Sakramen uain thlitna khawl siam chhuak

F Lalhmangaiha, Hualngohmun chuan sakramen uain thlitna khawl a siam chhuak a, November 29, 2016 khan Synod Conference Hall-ah Synod modera-
tor Rev. H Lalrinmawia'n Pathian hnenah hlanin
a tlangzarh.

Sakramen uain thlit-na khawl a siam dan Vanglaini palai zawhna chhangin F Lalhmangaiha chuan, kum 14 kal ta vel aṭangin an buaipui ṭan a, mahse, hman theiha a siam zawh hnuah pawh a tlangzarh mai lo tih a sawi a, "Kumin January 28-ah Kolkata aṭangin copyright registration min pe a, chumi hnuah kan tlangzarh ta a ni," a ti.

F Lalhmangaiha sawi danin, sakramen uain thlitna khawl hi kawlphetha hmang lo, kuta khawih ngai a ni a; ṭum khatah second 5 vel chhungin sakramen tray pakhata no awm zawng zawng (no 30) chu a rual-in a thli khat thei a ni.

Lalhmangaiha chuan, a khawl siam chhuah chu pakhat Rs. 42,500 man a nih dawn thu sawiin, "Pasarih kan siam zo tawh. A duh tan chuan order mai tur a ni a, mahse, a hmanrua duh anga hmuh mai a harsat avangin siam zung zung a harsa," a ti.