Tuirial HEP

Tuirial Hydro Electric Power Project chu siam mek zel a ni a, tuikhuahah tui tihtlin a ni tawh. Tui hi tuikhuah mawng aṭanga metre 97-a sang thleng tihtlin tum a ni a, tunah hian metre 87-a sang a tling tawh a; tui hi October 25, 2016-ah tihtlin ṭan a ni a, January 17, 2017-ah an duh ang zat tui hi tling hman tura beisei a ni. Tuirial HEP tuikhuahin a chîm thui zawng tur hi a khuahna aṭanga lui hnar lam km. 85 vela hla a ni dawn a; Serlui-B Hydel Project tuikhuah hman mek hian a khuahna aṭanga lui hnár lam km. 40 vel thleng a chîm niin an sawi. Chief minister Lal Thanhawla chuan Tuirial HEP hi kum 2017-ah hawn hman tum a nih thu a lo sawi tawh a ni.