NABARD-in Mizoram sorkar hnenah Loan cheng nuai 9595.71 a pe

NABARD, Mizoram Regional Office chuan tun hnai khan Mizoram state tan Rural Infrastructure Development Fund (RIDF-XXII) hnuaiah loan cheng nuai 9595.71 a pe chhuak.

NABARD loan hi Aizawl, Mamit, Lunglei leh Champhai district-a thing-tlang khaw inkalpawhna kawng thar pali leh a hlui siamṭhatna atan hman tur a ni. Heng project atana sum mamawh chu cheng nuai 10811.00 a ni a, NABARD-in loan a pek chhuah cheng nuai 9595.71 bak hi chu Mizoram sorkarin a tum ang.

He project hnuaia kawngpui thar sial, siam leh thuam
ṭhat bakah lei (bridge) dawhte chu March 31, 2020 hmaa zawh hman tura ruahman a ni.

NABARD suma hna thawh turte:

. Cheng nuai 1784.40 senna tur Hualngohmun leh Samtlang inkalpawhna kawng thar km. 4.2-a thui.

. Cheng nuai 3048.33 senna tur Ṭhuampui South aṭanga Sertlangpui khaw kawng siamṭhat.

. Cheng nuai 931.87 senna tur Ramrikawn aṭanga PTC kawng, NH-54 kawngpui pawhna kawng siamṭhat.

. Peka Lui, Build-Up-Steel Girder lei (bridge) dawh hna cheng nuai 400 senna tur.

. Cheng nuai 928 senna tur Saitual leh Phullen inkar kawnga Tuivawl lui chung double lane build-up-steel girder lei siam.

. Bairabi- Zamuang kawngah Teirei lui chunga build-up-steel girder lei (bridge) dawh hna cheng nuai 1365.60 senna tur.

. Khedacherra-Damcherra-Zamuang-Kawrtethawveng - Tuilutkawn kawnga Chengkawl luia lei cheng nuai 552.80 senga dawh hna.