Cement mistiri training khâr a ni

Nimin khan Lunglei, Serchhip leh Kolasib-ah YMA member-te tana cement mistiri training buatsaih khâr a ni a; Kolasib-a training
khârna hun chu Commerce and Industries minister H Ro-hluna'n a hmanpui.

Training kharna in-khawm Taitesena Hall-a buatsaihah H Rohluna chuan, "Ram leh hnam hum-
-halh nan ṭhalaite thiam-na tihhriam a, into-delh hi kawng pawimawh ber pakhat a ni. Hemi kawnga sor-kar leh YMA-te hmalakna a fakawm hle. Sorkarin ṭhalaite thiamna tihhmasawnna atan sikula zirna mai duh tawk loin, skill development training a buat-saih zel a, ṭhalai tam tak chhawr tlak an chhuak tawh," a ti.

Indusries Minister chuan, "In sakna reng rengah hnam dang kan chhawr hnem a, Mizo ṭhalai hna mumal nei lo tam takte'n cement mistiri hna thawk thei tura thiamna an nei ve ta hi a lawmawm hle," a ti a; training chhuakte chu an thiamna tipung zawnga
ṭan la tur te, taima taka thawk tur leh kuthnu mâm taka thawk turin a chah.

Kolasib-ah hian cement mistiri training tur hian mi 100 an inziak lut a, mi 80-in a tawp thlengin an zir a ni.

Lungleiah chuan mistiri training-ah hian mi 85 an training a, a kharna hun chu BDO conference hall-ah buatsaih niin, DC Lalzarmawii'n a hmanpui.

Lunglei DC chuan, "Kan Mizopui cement mistiri ngeite sak biak-inah Mizo Kristiante kan inkhawm châk tawh. Heng hna kan thawh peih phawt chuan YMA thupui 'Ram leh hnam humhalh' hi tihhlawhtlinin a awm ang a, sum tam tak ram danga luang ral tawh loin kan ram ṭhan nan kan hmang thei tawh ang," a ti.

Cement misitiri training khârna inkhawm hi Serchhipah chuan P&E Veng YMA Hall-ah hman a ni a; inkhawm hmanpuitu Labour Employment & Indus-trial Training (LEIT) direc-tor Lalhmachhuana chuan, tunlai khawvelah chuan thiamna (skill) neih a pawi-mawh thu a sawi.

Mistiri training-ah hian YMA sub-headquarters, Serchhip hnuaia group pathum - Tuichangral South group
aṭangin mi 12, Ṭawi tlang group aṭangin mi paruk, Vantawng group aṭangin
mi pahnih leh Serchhip sub-hqrs. YMA-in a awm branch hrang hrang aṭangin mi 14 leh Serchhip khawpuia YMA branch hrang hrang thlante nen, an vaiin mi 100 an training a ni.

Cement mistiri training hi Central YMA, Labour Employment & Industrial Training department leh Mizoram Building Construction Worker Welfare Board bultuma buatsaih a ni.