Bawngkawn Shalom Biak-In a kâng

November 19, Nilaini zam dar 7:30 vel khan Bawngkawn Shalom Presby-terian Kohhran Biak-In chu an inkhawm laiin a kang a, bungrua a kang chhe nual.

Kangmei hi chawlidar quarters gas leak aṭanga chhuak a ni a, biak-in leh a chhehvela awmte'n thelh mih tumin theihtawp chhuah mah se, an thelh mih theih mai loh avangin Fire & Emergency Services pun an ni.

Theihtawp chhuaha kangmei hi ṭhelh a nih hnuah dar 8:30 velah thelh mih theih a ni. Bungraw eng emaw zat senghawi hman nimah se, kudam a kan tel avangin bungrua a kang chhe nual.

Kangmei chhuahna hmun hi DMR minister Prof Lalnilawma leh Aizawl DC Lalhriatpuiate an kal nghal a, DMR Minister hian hnatlang thingpui inna tur Rs 5,000 a pe.

DMR Minister chuan kangmei tuartute a tuarpui thu sawiin, mitinte kangmei laka fimkhur thar leh theuh turin a chah a, khua a lo tuihul leh tan tawh avangin, in leh a velte vawngfai a, kangmei ti punlun thei thil hrang hrangte ngai pawimawha, hnim leh bawlhhlawhte pawh thian fai fo ṭhin turin mipuite a ngen a ni.