Kum 50 tlin an lawm

Lenchim khua chuan nimin khan an kum 50 tlin an lawm a, an hun hmanpuitu bialtu MLA Prof. Lalnilawma, minister of state chuan jubilee lungphun hawngin, jubilee souvenir a tlangzarh nghal.

Prof. Lalnilawma chuan Lenchim khua chu khaw lian lo tak, a cheng mihring pawh tlemte ni mah se, kawng tam takah khaw dang aiin an lian zawk thei tih sawiin, Lenchim khaw mipuite chu zirna leh faina kawngah te, infiamna lamah te leh intodelhna kawngah te tan la zual sauh turin a fuih nghal ni.

Lenchim khua hi rambuai laiin Tlungvel lamah sawikhawm niin, kum 1975 khan din thar leh a ni a, kumin hi kum 50 an tlinna a ni. Saitual aṭanga chhim lam Ṭawi tlang bulṭhuta awm a ni a, Aizawl aṭangin km 87-a hla a ni a, Phullen RD Block hnuaiah a awm.

Lenchim khua golden jubilee lawmna leh haw runpui hi November 19 aṭanga November 21 thleng hman tur a ni.