Police-in ruihhlo tam tak an man

Mizoram Police chuan nimin leh November 20, Ningani khan hmun hnihah ruihhlo ṭhahnem tak an man a, a inhnamhnawih nia hriat mi pathum an man tel.

Mizoram Police hnuaia CID (Special Branch) chuan Ningani zan dar 10:30 vel khan Zemabawk Ṭawwngṭai Mual bulah TATA truck AS/01 FC - 7586 aṭangin methamphetamine kg 49.244, cheng vbc 39.39 man hua chhut an man.

He thila inhnamhnawih Atabur Rahman Mazumder (45), s/o Mujamil Ali Mazumder leh Abdur Rahman Chowdhury (29), s/o Abdul Motlib Chowdhury, Hailakandi, Assam nia inchhal ve vete chu man nghalin thubuai an siamsak. A kaihhnawih dang awmthei an chhuizui mek.

Saitual Police-te chuan nimin khan Jamminlal Touthang (28) s/o Seikhohao Touthang khalh Manipur aṭanga Aizawl pana tlan Wagon R AS/01 EZ - 5797 aṭangin heroin kg 1.12, cheng vbc 22.52 man hua chhut an man. Jamminlal Touthang hi thubuai siamsak a ni.