Tuirini khuah tum mekin a nghawng tur zirchiang

Power & Electricity department chuan Sesawng khaw thlanga Tuirini lui khuah tum mek chungchangah mipuia a nghawng dan tur an zirchiang mek.

Nimin zing dar 7 khan Thingsulthliah VC-II huamchhungah vantlang rorel inkhawm buatsaih a ni a, he huna kalkhawmte chuan Tuirini hi khuah an remti. Rorel inkhawm hi Thingsulthliah VC-II VCP Ngurthansanga'n a kaihruai.

Zirchianna hi State Institute of Rural Development & Panchayati Raj (SIRDP), Aizawl chuan a buaipui a, SIRDPR aṭang hian Dr KT Pakhuangte, associate professor leh faculty dangte an kal

Vantlang rorel inkhawm buatsaih a nih bakah hian SIRDPR team-te hian ram neitute kawmin, mimal eng emaw zat ngaihdan an la bawk.