Kolasib-ah MDTP kalpui dan tur rel

Kolasib District Planning Committee (DPC) chu an chairman Robert C Lalhmangaiha, bawrhsap hoin nimin khan DC conference hall-ah an ṭhukhawm a; Mizoram sorkarin district hmasawnna atana hmathlir thar a duan 'Mizoram District Transformation Programme (MDTP)' kalpui dan tur an rel.

Robert C Lalhma-ngaiha chuan, "He hmalakna hi kum 2047-a Viksit Bharat tum ram thlenna tura lungphum pawimawh tak a ni," a ti a, Kolasib district chhungah he programme hi hlawhtling taka kalpui a nih theih nan leh district hmasawnna a lo thlen nan department tinte chu theihtawpa ṭan la turin a fuih a ni.

Ṭhutkhawmah hian sorkar department hrang hrangte chu anmahni chan ṭheuh district baseline profile leh district trans­formation vision-te December 15, 2025 hmaa peihfel a, DC office-a thehlut tura hriattir an ni.