Lirthei service domain siam belh

State Transport Authority (STA) chuan khaw hrang hrangah two wheeler taxi, auto-rickshaw leh taxi (four wheeler)-te service theihna hmun (domain) a siam belh.

STA chuan, mipui mamawhna thlir chungin heng mihring phur sumdawnna lirtheite service theihna hmun hi siam belh a nih thu a tarlang a; two wheeler taxi-te domain siam belhte chu - Bungtlang South, West Phaileng, Zawlnuam, Sesawng, Suangpuilawn leh Phuaibuang khuate a ni a; auto-rickshaw domain siam tharte chu - Sesawng, Suangpuilawn, Phuaibuang leh Bualpui NG an ni.

Taxi (four wheeler) domain siam belhte chu - Sesawng, Suangpuilawn, Phuaibuang, Khawlian, NE Tlangnuam leh Daido khuate an ni bawk.