MZU-ah Tourism & Hospitality international conference

Mizoram University-a Department of Tourism and Hospitality Management chuan November 19 - 21, 2025 chhung khan MZU Cluster Building conference hall-ah international conference an buatsaih a, thupui chu 'Embracing diversity, equity, and inclusivity in Tourism and Hospitality sector: Viksit Bharat:@2047' tih a ni.

MZU vice chancellor Prof. Dibakar Chandra Deka leh mi pawimawh dangte a hawnna inkhawmah telin, India ram chhung bakah Argentina leh Spain aṭangtein mithiamte an tel a; offline leh online hmangin technical session ṭum ruk buatsaih a ni. Research scholar leh academician 180 chuangin an thil zirbingna (research paper) an present a, cultural programme-te neih niin hnam hrang hrang zai leh lamte entir.