LADC inthlanpuiah CYLA duty dawn

Lawngtlai district election officer Donny Lalruatsanga, bawrhsap kaihhruaiin nimin khan Central YLA hruaitute'n LADC inthlanpuia vote thlak ni leh vote chhiar ni-a duty dan tur an sawiho a; LADC inthlanpui December 3, 2025-a neih turah YLA member-ten inthlana duty-te an pui dawn.

Donny Lalruatsanga chuan, inthlanna thianghlim leh felfai tak a awm theih nan Central YLA-te nen thawhhona ṭha tak neih an duh thu a sawi a, "Ralmuang leh zalen taka inthlan a nih theih nana CYLA-ten thawhho ṭha an ti hi a lawmawm takzet," a ti a, theihtawp chhuahpui turin a sawm.

Ṭhutkhawma an rel dan chuan, November 27, 2025-a security leh driver-ten postal ballot hmanga DC Complex-a vote an thlak hunah CYLA aṭangin mi 20 duty tir an ni dawn a, November 28, 2025-a Region Higher Secondary School-a polling personal-ten postal ballot hmanga vote an thlakna turah gate pawn lama duty tur CYLA member mi 20 ruat an ni dawn.

Vote thlak ni (December 3, 2025)-ah YLA Branch tinte chu vote thlakna hmun (polling area)-ah presiding officer-te nen inráwn tlângin duty dan tur ruahmanna siam ni se, an ti a; a bik takin tlai lamah vote thlak tur an tam ṭhin avaning a theih ang angin presiding officer-te puih ni se, an ti bawk.