Assam Rifle-in pawisa ṭhahnem tak an man

Aizawla awm 39 Assam Rifles chuan, November 30, 2016 khan Scorpio MZ-01 M-1563 aṭangin pawisa tam tham tak leh motor khalhtu Sawmthanga (48) s/o Thangkeia leh motor-a chuang Stephan Kama (21) s/o Thangkepa, Bawng-kawn Lunglei road-a cheng nia insawite an man.

39 Assam Rifles hian an thu dawn bawh zuiin November 30 khan Sairangah special vehicle check post an siam a, pawisa phur motor hi an lo man a ni. Motor leh a phurtu mi pahnihte leh pawisa hi Assam Police hnenah an hlan.

Pawisa hi Myanmar leh Bangladesh-a hel pawlte châwmna atan Mizoram kaltlanga Assam aṭanga lak luh ni ngeia rin a nih thu Assam Rifles hotute chuan an sawi.