Lirthei chet sualnaah mi 1 thi

November 30, 2016 zan dar 9:30 vel khan Zarkawta Hotel Regency bul kawngpuiah bike an intái a, hmar lam pana tlan bike hnunga chuang Lalnunsanga (19) s/o Lalhlim-puia (L), Chhinga Veng chu an bula tlân truck hnuaiah tla lutin, truck-in a chil zui a, ká chhawn lohin a thi.

Thu dawn danin, chhim lam pana tlan bike zawk chu a tlân tlang a, police-te'n hriat tumin an bawhzui. Lalnunsanga ruang hi police-te thlen hnuah lak chhuah a ni a, Nilaini zan vêk khan damdawi-inah enfiah a ni.

November 30 zan vêk khan dar 7:30 velah i10 car MZ-01 M-7778, Lawrence Lalhmangaihsanga (19) s/o H Lalawmpuia, Kanan Veng, Aizawl khalh chuan Dawrpui Vengthar leh Dinthar inrina kawngpui kual laiah C Lalthanmawii (19) d/o C Chuangliana, Dinthar a sut bakah, ft. 8 vel a hnâwl. C Lalthan-mawii hi a malpui ruh hmun hnihah a tliak a, Nilai-ni zan khan Aizawl Civil Hospital-ah zai nghal.

C Lalthanmawii sutu car hi a tlân tlang a, mi ṭhenkhatin ûm zuiin, Dawrpui Vengtharah vêk an man a, police hnenah an hlan a ni.