MGNREGA hnuaiah ni 28 inhlawhna siam tawh

Rural Development department hnuaia hmalakna endiktu Vigilance & Monitoring Committee chu nimin khan RD minister R Lalzirliana hoin Aijal Club-ah an ṭhukhawm a; kum 2016-17 chhungin MGNREGA hnuaiah ni 28 inhlawhna siam a nih tawh thu tarlan a ni.

Meeting-a tarlan danin, MGNREGA hnuaiah kum 2016-17 chhungin September 2016 thleng khan sorkar laipui aṭangin cheng nuai 6534.33 hmuh a ni tawh a, Central aṭanga sum hmuh tawh leh state matching share aṭangin cheng nuai 48.101 hmangin district zawng zawngah ni 28 ṭheuh inhlawhna siam a ni tawh.

District pariata PMAY/IAY ṭan-
puina sum hmanga mi harsate in sak tur leh thawm ṭhat tur zawng zawng belhkhawm chu in 1,818 a ni. PMGSY hnuaiah hna thawhna tur sum cheng nuai 7,438.53 aṭangin nuai 3995.08 hman a ni tawh a; chumi hmang chuan September thla thleng khan district pariatah kawng 185 laih a ni tawh a, kawng laih hi km. 2514.13-a thui a ni.

NSAP hnuaia ṭanpuina sum cheng nuai 708.17 aṭangin September 2016 thleng khan cheng nuai 585.58 pek chhuah a ni. NRDWP hnuaiah RD Block pasarihah hmun ṭhenkhata hmalakna 'Partially Covered' hmun pakuaah a awm tawh a; NBA hmangin APL chhungkua 586 leh BPL chhungkua 1,112 tan êk-in siamsak nih bakah, vantlang inthiarna hmun pali-ah siam a ni tawh.

MzSRLM hnuaia hmalakna tur cheng nuai 1097.46 hmuh aṭangin nuai 273.81 hmangin hna thawh tawh a ni a; IWMP hnuaia hmalakna tur cheng nuai 1704.55 hman a nih theih nan thil ṭul hmasa tihfel mek a ni bawk.

Meeting-ah hian RD department hnuaia hmalaknate chak zawka kalpui a nih theih nan RD department official-te'n MLA-te chak zawka an thawhpui theih dan tur rawtnate siam a ni.