Cement mistiri training khâr

Central YMA, Labour, Employment & Industrial Training department leh Mizoram Building & Other Construction Welfare Board ten, Champhaia cement mistiri training an buatsaih chu November 29, 2019 khan Champhai Kahrawt YMA Hall-ah Mizoram Youth Commission (MYC) chairman T Sangkunga'n a khâr.

T Sangkunga chuan, "Training chhuakte'n cement hmanga hna thawh kawngah hriatna ṭha tak in nei tawh dawn a, eizawnna atan in hmang lo a nih pawhin, cement hnathawh enfiah leh vil zuina atan thil ṭangkai tak a ni. Cement mis-tiri hna hi vaiho thawh turah kan dah ṭhin a, Mizote pawhin kan thawh theih loh chhan tur a awm lo," a ti; MYC leh LEIT department ṭangkawpin phai lamah ṭhalai 3,000 vel hna a hmuhsak tawh tih a sawi.

Champhaia cement mistiri training hi November 1, 2016-ah ṭan a ni a, mi 100 training theih tura tih niin, mi 84 an inzir chhuak ni.