MPF president thar tur Rev. John Raldosanga

Mizoram Peoples Forum (MPF) Governing Board chu nimin zing khan Synod Committee Room-ah an ṭhukhawm a, kum 2025-26 chhunga MPF president atan Rev. John Raldosanga, Mizoram Presbyterian Church an thlang.

MPF ṭhutkhawm hi president Rev. RC Lalnghakliana'n kaihruaiin, general secretary Rev. Lalram-liana'n an hmalakna leh hmachhawpte a sawi. MPF president thar tur an thlan bakah hian kum 2026-27 chhunga MPF General Headquarters budget atan Rs 14,18,000 an ruahman.

Kumin chhunga MPF office khar hun atan December 22, 2025 leh kumthara office hawn hun atan January 8, 2026 ruat a ni a; MPF Annual General Meeting chu December 18, 2025-ah Vanapa Hall-a neih turin an rel.