Greenfield City ruahmanna thlirho

Nimin khan Core Committee on Thenzawl Peace City chu an chairman Lalduhoma, chief minister hoin CMO-ah an ṭhukhawm a, Thenzawl Peace City huam chhunga Greenfield City din tur ruahmanna siam mek an thlirho.

Ṭhutkhawmah hian UDPA secretary Lalmal-sawma Pachuau-in SASCI-a Urban Planning Reforms hnuaiah tinzawn bik neia Greenfield City kalpui theihna component cheng vbc 150 vel hmuh theihna a awm thu a sawi a, "Inelna (on challenge mode) aṭanga hmuh tur a ni. Thenzawl Peace City huam chhunga Tourism leh AH&Vety department ramte behchhanin he fund hmuh theihna tur Greenfield City proposal duan a ni," a ti.

Thenzawl Peace City Master Plan siamtu tura thlan IPE Global aiawhte'n Greenfield City ruahmanna chu a lem nena entirin an sawifiah. Ruahmanna siam hi Core Committee chuan an pawm a, Ministry of Housing & Urban Affairs-ah thehluh a ni ang. Thenzawl Peace City Master Plan hi IPE Global-in an buaipui mek a ni.