Children's Science Congress buatsaih

Science Teachers Association Mizoram (STAM) leh Samagra Shiksha chuan Novem-ber 27-28, 2025 chhung khan School Education directorate conference hall-ah state level Children's Science Congress vawi 33-na an buatsaih.

Children's Science Congress-ah hian thupui chu 'Science for sustai­nable development and community wellbeing' tih a ni a; district 11 aṭangin science project 47 pho chhuah niin, zirlai mipa 36 leh hmeichhia 54 an tel.

Science project hmanga intihsiakna hi Pachhunga University College-a zirtirtu pathum - Dr Lalrinthara Pachuau, Dr K Vanlaldinpuia leh Dr Albana L Chawngthu ten an endik a ni.

Nimina Children's Science Congress khârna inkhawm hi STAM president Dr R Laleng­mawia'n a kaihruai a; Samagra Shiksha state project director C Lalthan­zira'n hmanpuiin, fuihna thu a sawi.