MJA Gen. Hqrs hruaitute'n Lunglei an tlawh

MJA Gen. Hqrs hruaitute chuan nimin khan MJA, Lunglei District an tlawh a, inkawmhona hun ṭha tak hmangin, MJA leh chanchinbumite hmasawn zelna turte an sawiho.

MJA president C Lalrambuat-saiha chuan, khawvel hmasawnna kal mekah inher rem thiam zel turin MJA member-te a chah a, "Ngaihtuahna thar hman a ṭul. Kan news a hlut reng theih nan investigation kan uar a ngai a, a bik nihna kan nei tur a ni," a ti a; RTI Act hmang uar tutrin member-te a chah.

Social media chak zelah mi ṭhenkhatin duh zawng zawng post theiah an inngai tih sawiin MJA President chuan, "Mahni right hmachhuan an awm ṭhin. Kan right hian mi dang a tihbuai chuan thubuai nei thei kan ni tih inhriat a ṭul a, mi dangte diriam nana social media hman hi thil ṭha ber a ni lo," a ti.

Inkawmnaah hian MJA, Lunglei District president H Lalthansanga pawhin thu a sawi a; Manipal Hospitals-in MJA member-te tan 25% discount an pekna privilege card sem nghal a ni.