Domestic Violence Week hman a ni

Women & Child Development directorate hnuaia State Hub for Empowerment of Women (SHEW) chuan nimin khan Assembly conference hall-ah 'Domestic Violence Week' pualin hmeichhiate chunga hleilenna thleng ṭhin tibo tura inzirtirna an buatsaih.

Inzirtirna hun hi Social Welfare, Women & Child Development (SWWCD) joint director Sailopari'n a kaihruai a; khuallian SWWCD joint secretary Zonunthari'n November 25 - December 10, 2025 chhunga hman tur '16-Day Campaign on Ending Gender-Based Violence' a hawng.

Zonunthari chuan, hmeichhiate chunga hleilenna chu hmeichhiate dikna chanvo palzûtna leh mihring dikna chanvo rahbehna a nih thu sawiin, "Hmeichhiate chunga hleilenna tibo tur chuan fapate enkawl uluk a ngai. Mipui hnena hetiang lam zirtirna ṭha pek mai bakah hmeichhiate chu tihchak a, an dikna chanvo hriat chiantir a pawimawh," a ti.

Zirhonaah hian thupui chu 'Empowering women - Last mile delivery of service’ tih a ni a; sorkar department hrang hrang hotu te, hmeichhe hamṭhatna buaipuitu pawl hrang hrang aiawhte an tel a ni.