Capping & Lamp Lighting hun hmang

Health Workers Training School, Kulikawn chuan nimin khan an hmunah zirlai lut tharte pualin Capping & Lamp Lighting Ceremony vawi 41-na an hmang a, bialtu MLA Lalchhuanthanga'n a hmanpui.

HWTS-a zirlai lut tharte chu mi 49 an ni a, mipa 25 leh hmeichhia 24 an ni. Civil Hospital, Aizawl nursing superintendent H Vanlalhluni'n health worker zir tharte chu lukhum a khumtir a, bati chhiin thutiam an sawi.

Aizawl South-II bialtu MLA Lalchhuanthanga chuan, Kulikawn Hospital chu tihlen a, khum 50 ve ve awmna general ward leh mental ward siam a nih dawn thu a sawi a; zirlaite chu hlawhtling ngei tur leh hna an thawh hunah missionary hnaa ngai chunga thawk turin a chah.

Health Worker Training School aṭang hian mi 1,669-in health worker an zir chhuak tawh a, mipa 915 leh hmeichhia 754 an ni.