Governor leh Chief Minister ten Catholic Centenary lawmna hmanpui

Mizoram Catholic Kohhranin kumina centenary an lawm kharna November 28-30, 2025 chhunga Bishop's House Compound, Ramthar Venga an hmanah nimin khan a; Governor Gen. Dr Vijay Kumar Singh, chief minister Lalduhoma leh minister Dr Vanlalthlana ten an hmanpui.

Larsap Gen. VK Singh chuan, Mizoram Catholic Kohhranin kum 100 a tling chu a lawmpui thu a sawi a, "Kum 100 chuang kal taa chanchin ṭha kenga Mizorama lokal missionary-te'n Pathian thu bakah, zirna, hriselna leh khawtlang nun chawikanna an rawn keng a, hemi rah chhuah hi tunah hmuh theihin a awm. Kan inpumkhatna, ralmuanna leh inngaihsak tawnna te hi mite'n Mizoram an ngaihsanna chhan a ni," a ti.

CM Lalduhoma chuan, Catholic Kohhran avangin Mizoramin sorkar din ni lo high school hmasa ber (St Paul's High School) a neih thu sawiin, "Zirna-in ṭha tak tak dang tam tak kan nei zui zel. Vawiinah chuan he'ngte hi Mizorama sikul ṭha ber ber an ni hlawm," a ti. Mirethei leh chanhaite chhawmdawl kawnga Catholic Kohhran hmalakna fakawm a tih thu leh, Zoram Entu Pawl kaltlangin hna ropui tak tak an thawh ṭhin thu a sawi bawk.

Mizoram Catholic Kohhran hi February 1, 1925 khan din a ni a, member 20,000 chuang an awm mek a ni.