Hemophilia natna neite damdawi sem

Intas Foundation leh Hemophilia Society, Aizawl Chapter chuan nimin khan Civil Hospital, Aizawl conference hall-ah hemophilia natna neite tan damdawi (Factor-VIII) an sem.

Damdawi semna inkhawm hi Hemophilia Society, Aizawl Chapter president Lalrinmawia'n a kaihruai a; mi pakhat hnenah hemophilia damdawi Rs 8,000 man zêl pein, bûr 40 an sem a, hemophilia natna nei mi 31 hnenah an pek a ni.

Damdawi sem zawhah Civil Hospital Pathology department-a senior consultant Dr Lalawmpuii'n hemophilia natna nei leh an chhungte tan genetic counseling a neihpui nghal.

Hemophilia natna hi taksaa pem a awma thi khâr hlei thei lo a ni a, inthlah chhawnna aṭanga neih niin, tihdam theih a ni lo a, Mizoramah mi 31 an awm mek. Factor VIII leh IX-in ṭhen a ni a, a damdawi a vâng hle. Nimina damdawi sem tâk hi thisen chhuak tikhang hmatir theitu a ni.