END-in ruihhlo leh zu an man

Excise & Narcotics department (END) leh an thawhpuite chuan Novemnber 30, Pathianni khan heroin leh methamphetamine tam tham tak bakah, zu eng emaw zat an man.

END leh BSF thawkho chuan Novem-ber 30 tlai dar 4:24 khan Nangsianmuanga (21) s/o Kamsuanmuang, Khawmawi, Myanmar leh Nangsiansiam (18) s/o Zamthawnkim, Sezang, Tiddim, Myanmar nia inchhálte hnen aṭangin Tuikhurhlu (Edenthar)-ah heroin gram 707 (hawng 49) leh methamphetamine kg 14 & gram 905 (mûm 1,50,000) a; mobile phone pahnih leh scooter pahnih an hrênsak nghal.

November 30 zan dar 9 khan END chuan Falkland East-a kudam pakhat aṭangin whisky ûm puitling (ml. 750) hrang hrang - Royal Stag, Signature, Blenders Pride, Iconiq White, Royal Stag Barrel, Royal Green, Afterdark leh Malt in Black bakah, Old Monk rum leh Kingfisher beer eng emaw zat an man. Zu man an zawng zawng hi um 2,940 a ni a, beer hi bûr 84 a ni.

Kudam luahtu leh zu neitua puh Ruthi Lalrammawii (31) d/o Lalramlawma, Phunchawng Mel-6 nia inchhal an man nghal bawk.

Heroin, methamphetamine leh zu neitute lakah hian dan tlawhchhanin END chuan thubuai an ziak lut a ni.