National Pollution Control Day pual lemziaka intihsiakna result puang

Nimin kha National Pollution Control Day a ni a, he ni pual hian Mizoram Pollution Control Board (MPCB) hnuaia Environment Education Programme (EEP) chuan online competition chi hrang hrang an buatsaih result an puang,

Intihsiakah hian proimary school leh middle school zirlai tan Online Poster Making Competition buatsaih niin, thupui chu 'Stop Pollution, Save Earth' tih leh, 'Pollution: The Silent Killer' tih a ni a; primary level-ah zirlai 107 telin, middle level-ah zirlai 101 an tel.

High school leh a chung lam tan leh college level tan Online Quiz Competition buatsaih a ni a, thupui chu 'Environmental Pollution' tih a ni. Quiz hi Google form-ah zirlaite'n an chhâng a, December 4, 2025-ah puan a ni ang.

National Pollution Control Day hi India ramah December 2-ah hman a ni ṭhin a; Bhopal Gas Tragedy tia sawi, December 2-3, 1984-a chhiatna thleng hriat reng nan leh pollution chungchanga inzirtirna hun atan hman ṭhin a ni.