Minister-in zirlaite lawmpuina a hlân

Minister of state Lalnghinglova Hmar chuan nimin khan a pisaah a bial Aizawl West-II chhunga zirlai ti ṭhate hnenah a ṭum thum nan lawmpuina a hlan a; zirlai ti ṭha mi paruk hnenah lawmpuina thuchei leh Rs 10,000 ṭheuh a pe a ni.

Lalnghinglova Hmar chuan, zirlai ti ṭhate hnena lawmpuina a hlan ṭhin chhan chu, an hlawhtlinna a lawmpuina a nih piah lamah, Aizawl West-III chhunga naupangten zirlaia hlawhtlinna sang neite an hmelhriat a, entawn se a duh vang a nih thu a sawi.

Tun hnaiah an bialah zirlai ti ṭha chawimawi tur an nei chho zut chu lawmawm a tih thu sawiin Minister chuan, "Zirlai ti ṭhate lawmpui hi thil danga hlawhtlinna inlawmpui ang a ni lo deuh a, hma lam pana ke pên lehna tur a awm zel avangin tun hi chu a aia sang zawk thleng tura inbeihna tur chauh a ni," a ti.

Lalnghinglova Hmar chuan, "Eizawnna leh hlawhtlinna lian zawk in neih ngeina turin hma lam in pan zel tur a ni," tiin lawmpuina a hlan zirlaite a fuih bawk.