CIJWS Commander-in DC pisa tlawh

Sipai nunchan zirna, Counter Insurgency and Jungle Warfare School (CIJWS), Vairengtea commander thar Maj. Gen. Kulvir Singh chuan nimin khan Kolasib DC pisa a tlawh a; bawrhsap Robert C Lalhmangaiha leh sorkar mi pawimawhte nen DC conference hall-ah an inkâwm.

Maj. Gen. Kulvir Singh chuan, CIJWS, Vairengte chu sipai nunchan na hmunpui a nih avangin khawvel hmun hrang hrang aṭangin sipai an rawn kal ṭhin thu sawiin, tualchhung mipui tana ṭangkaina an nei thei a nih chuan theihtawpa puih an inhuam a, Kolasib district administration nen thawhhona ṭha tak neih zel an duh thu a sawi. ESM welfares chungchangte, Sainik Aramghar leh ZSB office chungchangte a sawi bawk.

Kolasib Bawrhsap chuan, CIJWS commander-ah Maj. Gen. Kulvir Singh a awm leh DC pisa a tlawh chu a lawm thu a sawi a; Kolasib district-a sorkar lama hotute leh CIJWS nen thawhhona ṭha tak neih zel a pawimawh thu sawiin, duhsakna a hlan a ni.