LADC inthlanah vote thlak

Nimin khan Lai Autonomous District Council (LADC) hnuaia 12th Member of District Council (MDC) inthlanpui chu harsatna liantham thleng loin vote thlak zawhfel a ni.

LADC inthlanpui atan hian polling station 111 siam a ni a, zing dar 7 aṭanga tlai dar 4 thleng vote thlak a ni. Hriat theih chinah vote hi 74% a tla. Vote tlate hi December 9, 2025 zing dar 8 aṭangin chhiar a ni ang.

MDC 25 thlan turah candidate 80 an awm a; party hrang hrang candidate neih dan chu ZPM -25, MNF 20, INC 14, BJP 10 leh independent 11 a ni.

Lawngtlai bawrhsap Donny Lalruatsanga chuan polling station hrang hrangte a tlawh a; Lawngtlai SP PC Lalchung­lura, 3r IR Bn commandant Lal Chhuanthanga leh returning officer Zonun­mawiate'n an ṭawiawm. Bawrhsap chuan ralmuang leh zalen taka vote thlak a ni chu lawm­awm a tih thu a sawi.