Mizoram Mountain Challenge ṭan

Mizoram Cycling Association buatsaih 'Zote Toyota Mizoram Mountain Challenge' stage 2-a tlan turte chu nimin zing khan Saitual additional DC Lallawmawma'n Ṭamdil Resort aṭangin a vailiam. Tamdil Resort aṭang hian Saichal kawng hlui lamah tlanin, Hliappui – Aiduzawl – Rabung – Murlen - Vaparah tlanin Champhaiah an tawp dawn a ni.

Mizoram Mountain Challenge 2025 hi December 2-6, 2025 chhunga neih tur niin, stage pathumah ṭhen a ni a; stage tina pakhatnate'n Rs 10,000 ṭheuh an dawng dawn. Army adventure wing aṭangin mi pathum, Himachal Pradesh leh Haryana aṭangin mi pakhat ve ve leh, Mizoram aṭangin mi panga an tel a, an zingah hian India cycling number 1 Khusiaman Gharti pawh a tel a ni.