Inkalpawhna sawiho a ni

Ministry of DONER hnuaia din High Level Task Force on Infrastructure & Connectivity in NE Region-te chuan nimin khan online meeting an nei a, chief minister Lalduhoma chuan a pisa aṭanga zawmin, chief secretary Khilli Ram Meena, secretary to CM Vanlaldina Fanai leh official dangte'n an ṭawiawm.

Chief Minister chuan Mizoram road density chu India rama a hniam ber a nih avangin kawngpui tam zawk mamawhna a nasat thu sawiin, "Hmarchhak tan boruak lama inkal-

pawhna tam zawk leh airport tam zawk neih a ṭul. Inland Water Ways ṭha neih pawh a ṭul," a ti a, rel leh highways inthlunzawm ṭha leh a awmsate ṭangkai zawka hman theih tura siam leh internet connection ṭha, ramri khuate thlenga thlun-zawm a ṭulziate a tarlang.

Ṭhutkhawm hi convener Manik Saha, Tripura chief minister-in kaihruaiin, DoNER minister Jyotiraditya Scindia pawh a tel. December thla tawp lamah an ṭhukhawm leh ang a, chutah chuan final report an siam tawh dawn.