Mizo zirlaite'n final an lut

Indore, Madhya Pradesh-a India ram pum huap sikul naupangte quiz intihsiakna, Reading Decathlon-ah Mount Carmel School, Chaltlang leh La Montessori School, Mission Veng zirlaite'n final an lut.

Food4Thought Foundation leh Monocept buatsaih Reading Decathlon atan hian Mizoram Youth Commission (MYC) buatsaihin August 22, 2025 khan MYC conference hall-ah Mizoram aiawha tel tur thlanna online hmangin buatsaih a ni a; first round-ah hian hmarchhak state aiawh turte thlan niin, Mount Carmel School leh La Montessori School zirlaite thlan an ni.

Mizoram aiawha telte hi November 29, 2025 khan Indore, Madhya Pradesh-a regional round intihsiakah telin final an lut a; final chu January 17, 2026-ah neih a ni ang. Regional round-ah hian La Montessorri School chu pahnihna niin, Mount Carmel School chu palina an ni. MYC chuan zirlaite kalna senso a tumsak a ni.