Jail warder training zote thlah

Central Training Institute, Sesawnga Jail Warder Basic Training batch 15-na zote chuan nimin khan Passing Out Parade an nei a; Prison inspector general R Vanlalsawta'n a hmanpui. Training zote hi jail hrang hranga jail warden mi 28 an ni.

R Vanlalsawta chuan, Mizoram sorkarin Prisons department tan hma a lak nasat thu sawiin, "SASCI kaltlanga jail hrang hrang sak ṭhat nan cheng vbc 55 min pe a, jail-te sak ṭhat mek a ni. Thawktu indaih lohna phuhrûkna atan sorkarin hna hrang hrang lak min phalsak bawk a, kan lawm tak zet," a ti a; sorkarin uniform cadre-te training a ngaih pawimawh thu leh, la training ve lote pawh kum tharah training-tir vek tur a nih thu a sawi.

15th batch Jail Warder Basic Training zote thlahna inkhawm hi CTI commandant Lalrengpuia'n a kaihhruai a, DIP (Prison) Lalbiakfela pawhin thu a sawi a ni.