Lungleiah ASF zangnadawmna

Animal Husbandry & Veterinary (AH&Vety) deparment, Lunglei district chuan kum 2024 chhunga vawk pùl hri, African Swine Fever (ASF) vanga thi vawk 1,188 neitu chhungkaw 599 hnenah zangnadawmna Rs 47,52,000 an pe chhuak. Zangnadawmna hi instalment thuma thun a ni a, December 2, 2025 khan vawk neitute bank account-ah thun kim a ni.

ASF hi Mizoram State Disaster Management Authority chuan kum 2024 chhung atan State Specific Disaster-ah a puang a; kum 2024 chhunga ASF avanga vawk thite chu State Disaster Response Fund (SDRF) aṭangin chhawmdawlna pek a ni. Chhawmdawlna hnuaiah hian vawk thi pakhat tan Rs 4,000 zel pek theih a ni a, chhungkaw pakhatin vawk thi paruk thlengin chhawmdawlna an dawng thei a ni.